Hér hefur fjölskylda hreiðrað um sig á heillandi hátt. Opið eldhús, stórir gluggar og huggulegar mublur einkenna íbúðina sem er við Vatnsholt í Reykjavík.
Íbúðin er 170 fm og stendur í húsi sem byggt var 1965. Þar af er 25 fm bílskúr. Í eldhúsinu er hvít sprautulökkuð innrétting með eikar-borðplötum. Ljósbláir veggir prýða eldhúsið og passa þeir vel við innréttinguna og eldhúsmunina. Til að skapa stemningu eru gamaldags barstólar með rauðri vínylsessu.
Stofan er hlýleg og í íbúðinni er plássið nýtt mjög vel. Á ganginum er til dæmis vinnuaðstaða fyrir tvo svo dæmi sé tekið.