Við Barmahlíð í Reykjavík stendur reisulegt hús, en þar er finna afar huggulega fjögurra herbergja íbúð. Heildarflatarmál eignarinnar er 137 m², en íbúðinni fylgir 30 m² bílskúr.

Íbúðin sjálf, sem hefur verið mikið endurnýjuð, er á miðhæð en sér inngangur er að eigninni. Eldhúsið var tekið í gegn árið 2012, en þar er að finna gegnheila eikarinnréttingu. Þá setja fallegar grænbláar flísar skemmtilegan svip á baðherbergið.

Húsgögnin eru síðan ekkert slor, en við borðstofuborðið má sjá nokkrar forláta sjöur eftir Arne Jacobsen, auk þess sem fallegur Sindrastóll kúrir í stofunni.

Af fasteignavef mbl.is: Barmahlíð 53