Auglýsingastofan Hvíta húsið bauð í innflutnings- og Ímark-partí á föstudaginn. Gestalistinn var ekki af verri endanum en viðskiptavinum, samstarfsaðilum og vinum var boðið í teitið. 

Eins og sjá má á þessum myndum var margt um manninn og mikið um stuð í Brautarholtinu langt fram á nótt.

Hvíta húsið var stofnað 1961 og er hluti af SÍA, Sambandi íslenskra auglýsingastofa. Skrifstofurnar voru nýverið teknar ærlega í gegn þannig að mætti segja að stofan hafi flutt í nýtt húsnæði.

Útlitið er bjart, einfalt en þó með sterkum litum inn á milli. Ráðgjöf og hönnun var í höndum ARKÍS, STÁSS og hönnuða Hvíta hússins.