Ekki nógu rómantísk í rúminu

„Kæra E. Jean, þetta er nýlunda fyrir mig, en kærastinn minn vill meina að ég sé ekki nógu „stelpuleg“ eða „rómantísk“ þegar kemur að kynlífi. Samband okkar er frábært og við erum perluvinir, en ég vil að kynlífið sé líflegt og skemmtilegt,“ segir ung og „óhefluð“ kona í fyrirspurn sem hún sendi hinum kjaftfora ráðgjafa E. Jean.

„Hann verður vandræðalegur þegar ég gríp í bossann á honum og kem með dónalegar uppástungur. Ég dýrka þennan mann og vil ekki láta hann sleppa. Hvað á ég að gera?“

Ráðgjafinn, sem skrifar fyrir tímaritið Elle, var að sjálfsögðu með svör á reiðum höndum.

„Hann vill ekki dónalegar uppástungur. Hann vill gamaldags eltingarleik, óskammfeilið leynimakk, dulkóðuð skilaboð, leynilegar augngotur, fiðring í lendunum. Að hans mati er eltingarleikurinn jafn mikilvægur og sjálft kynlífið. Leiktu þér með honum. Það mun koma þér á óvart hversu kynþokkafullur leikurinn getur orðið.

Kærastinn vildi að sín heittelskaða væri rómantískari í bólinu. Ljósmynd / Getty Images

• Blogga um frétt