Demi Moore virðist hætt að eldast

Svo virðist vera sem leikkonan Demi Moore hafi fundið æskubrunninn, en hún virðist ekkert hafa elst undanfarna áratugi.

Moore, sem er 54 ára gömul, leit stórkostlega út þar sem hún lét sjá sig á frumsýningu stuttmyndarinnar Past Forward, sem David O. Russell gerði í samvinnu við Prada.

Leikkonan var í sumarlegum og sætum kjól, og leit út fyrir að vera 20 árum yngri.

Moore, sem er í tygjum við 28 ára gamlan trommara að nafni Sean Friday, hefur verið iðin við kolann undanfarið en á næsta ár verða tvær kvikmyndir sem hún leikur í frumsýndar.

Demi Moore virðist hafa leikið á elli kerlingu, en hún virðist vera hætt að eldast. AFP

• Blogga um frétt