Það er oft talað um að Íslendingar beri af í fegurð, enda hefur okkur gengið einstaklega vel í fegurðarsamkeppnum miðað við höfðatölu. Útlendingar hafa það líka oft á orði að það sé einhver einstakur sköpunarkraftur sem einkennir íslenskt listafólk.
Smartland tók því saman tíu listamenn sem bera af sér sérlega góðan sjarma.
Arnmundur Ernst Backman
Arnmundur er að gera það gott í Þjóðleikhúsinu og fékk meðal annars tvær tilnefningar til Grímuverðlaunanna fyrir hlutverk sitt í Djöflaeyjunni.
Guðmundur Arnar Guðmundsson
Guðmundur Arnar sló í gegn í vetur þegar mynd hans Hjartasteinn sópaði að sér verðlaunum um allan heim.
Halldór Armand
Halldór hefur nú þegar gefið út bækurnar Vince Vaughn í skýjunum og Drón og er líklega með nýja í bígerð en hann situr gjarnan með tölvuna á Te og kaffi í Kringlunni.
Helgi Björnsson
Helgi er gamall refur sem hefur ekkert fyrir því að heilla fólk upp úr skónum hvort sem það er á tónleikum, í sjónvarpi eða uppi á leiksviði.
Jökull Júlíusson
Jökull hefur gert það gott með hljómsveit sinni Kaleo undanfarin misseri. Hljómsveitin er bókuð langt fram í tímann og á söngvarinn og lagasmiðurinn marga aðdáendur.
Aldís Amah Hamilton
Aldís er nýútskrifuð leikkona en hefur vakið verðskuldaða athygli á fjölum Þjóðleikhússins og í sjónvarpsþáttunum Föngum.
Ágústa Sveinsdóttir
Ágústa hannar ekki bara fallega skargripi heldur fór hún líka fyrir átakinu konur í karlastörfum sem vakti mikla athygli í vetur.
Elma Stefanía Ágústsdóttir
Elma Stefanía sýndi ekki bara góða takta í leikhúsinu í vetur heldur fengu íslenskir kvikmyndaáhorfendur að njóta hæfileika hennar á hvíta tjaldinu í Ég man þig.
Salka Sól Eyfeld
Salka hélt áfram að heilla landann í vetur með söng sínum. Auk þess vann keppandi hennar Voice-keppnina.
Selma Björnsdóttir
Selma er ein af þessum konum sem virðast gera allt vel sem þær taka sér fyrir hendur. Ekki nóg með að vera með stórkostlega söngrödd heldur leikstýrir hún á stóra sviði Þjóðleikhússins.