Ertu að velta fyrir þér hvernig jól þú eigir að halda? Hvað þú ætlar að elda, baka, hvaða gjafir þú ætlar að kaupa handa hverjum? Ef svo er þá erum við með svarið því í dag fylgir 128 síðna jólablað með Morgunblaðinu.
Jólablaðinu er skipt upp í fjóra kafla. Þar er fjallað um jólatísku, jólastemningu, jólamat og jólagjafir.
Í viðtali við Jólablaðið segir Ármann Reynisson frá dýrmætu matarstelli í hans eigu. Um er að ræða alþingishátíðarstellið sem framleitt var 1930 þegar Alþingi varð 1.000 ára. Hann er þriðji eigandi stellsins en þegar hann keypti það 1984 kostaði það um það bil mánaðarlaun forstjóra.