Á miðvikudaginn var MOBO-verðlaunahátíðin haldin í London og flykktust helstu tónlistarmenn Bretlands á rauða dregilinn til að fagna því. Söngkonan Jessie J. vakti töluverða athygli á hátíðinni en hún klæddist gylltum samfestingi sem var fleginn niður að nafla.
Jessie J. minnti óneitanlega á Jennifer Lopez í þessum galla en mörgum er eflaust minnisstætt þegar Lopez mætti í grænum flegnum kjól frá Versace á Grammy-verðlaunahátíðinni árið 2000. Kjóllinn var svo fleginn að nafli Lopez var sýnilegur.
Ekki er ljóst hvaðan samfestingur Jessie J. kemur en áhugaverður er hann.