Tískubörnin vinsælu á Instagram

Það eru ekki aðeins fullorðnir einstaklingar sem sinna hlutverkum tískufyrirmynda heldur geta börn einnig veitt innblástur þegar kemur að klæðavali. Smáforritið Instagram er tilvalinn vettvangur til að deila ljósmyndum af flottu flíkum og nýjum tískustraumum. Nokkur börn hafa þá náð töluverðum vinsældum á Instagram fyrir flottan klæðaburð og einstakan stíl.

Þessi börn eru oftar en ekki synir og dætur stílista eða frægra einstaklinga. Til að mynda er hin fimm ára gamla Alaia Rose, dóttir stílistans Monicu Rose, geysivinsæl á samfélagsmiðlum fyrir flottan stíl. Sömu sögu má segja um hina níu ára Suri Cruise, dóttur Katie Holmes og Tom Cruise, en á Instagram má finna aragrúa af tískumyndum af henni. Hvort sem það eru börnin sjálf eða þá foreldrar þeirra sem velja og setja saman flíkurnar þá er gaman að fylgjast með þeim.