Valentino uppskar fagnaðarlæti

Ítalski hönnuðurinn Valentino sýndi 59 glæsilega Haute Couture-kjóla í Róm á fimmtudaginn. Tískuhús Valentino er þekkt fyrir guðdómlega kjólahönnun og sýningin í seinustu viku olli engum vonbrigðum.

Rauðir og gylltir kjólar voru áberandi ásamt gylltu skarti. Útsaumur og himnesk smáatriði í flíkunum settu svo punktinn yfir i-ið.

Leikkonur á borð við Tildu Swinton og Gwyneth Paltrow mættu á sýninguna og dáðust að hönnun Valentino. Eftir sýninguna fögnuðu áhorfendur ákaft ásamt Valentino sjálfum.