Skringilegt „trend“ ryður sér til rúms á tískupöllunum

Hönnuðurinn Rick Owens fór heldur betur ótroðnar slóðir þegar hann sýndi nýja vor- og sumarlínu næsta árs á tískuvikunni í París 1. október.

Fyrirsæturnar sem gengu fram á pallinn voru ekki einungis íklæddar fötum Owens, heldur þurftu þær að burðast með aðra fyrirsætu í fanginu.

Til allrar lukku eru fyrirsætur yfirleitt hvorki miklar um sig né þungar, annars hefði byrðin hugsanlega verið of mikil.