Það er ekki bara Smartland Mörtu Maríu sem hefur smekk fyrir vandaðri og góðri vöru. H&M tilkynnti fyrir nokkru að vörulína hins heimsþekkta tískuhúss Balmain yrði til sölu í verslunum fyrirtækisins frá hádegi í dag.
Tískuóðir Danir höfðu beðið í allt að 34 klukkustundir fyrir utan H&M búðina á Strikinu til þess að fá tækifæri til að nálgast dýrðina. Samkvæmt upplýsingum frá verslunarstjóranum Mats Bengtsson ríkti sannkölluð kaupæðisstemning meðal gesta og allt bókstaflega vitlaust.
Verslunarstjórinn brá á það ráð að hleypa væntanlegum kaupendum inn í hópum og hafði hver og einn hópur aðeins 10 mínútur til að velja og kaupa vörur. Er þetta ekki fulllangt gengið í ruglinu? Eða hvað?