Arna Ýr Jónsdóttir vann keppnina Ungfrú Ísland sem fram fór í Hörpu í september. Nú er Arna Ýr, sem er 20 ára, á leið í Miss World sem fram fer í Kína í desember.
Það er ávallt mikill spenningur fyrir kjólum fegurðardísanna en nú er búið að ljóstra því upp hverju Arna Ýr klæðist á lokakvöldinu. Hönnuðurinn Harley Ruedas mun hanna kjólinn á hana. Hann segir að hún hafi leitað til sín og hann sé mjög spenntur fyrir verkefninu. Hann er enginn nýgræðingur í faginu en hann hefur starfað sem fatahönnuður í um 20 ár.
„Hún vildi hafa kjólinn einfaldan og ekki of áberandi,“ segir Ruedas. Hann segir að hún hafi viljað hafa kjólinn beige-litan.
„Ég hef ekki hugmynd um hvers vegna hún valdi mig í þetta verkefni,“ segir hann í samtali við blaðamann á Glitter.