Fyrirsætan Ashley Graham hefur verið að gera það gott undanfarið, en hún er önnur fyrirsætan í svokallaðri yfirstærð til að prýða síður baðfatatölublaðs tímaritsins Sports Illustrated.
Graham greindi frá tíðindunum á Instagram-síðu sinni, þar sem hún deildi einnig ljósmynd þar sem hún liggur nautnalega í flæðarmálinu.
„Það er opinbert, ég er Sports Illustrated fyrirsæta. Þetta er alger draumur. Takk allir sem tóku afstöðu með línum. Raddir okkar hafa heyrst.“
Graham hefur barist fyrir meiri fjölbreytni í auglýsingum, og er ekki sérlega hrifin af hugtakinu „fyrirsæta í yfirstærð.“
„Ég hef verið kölluð fyrirsæta í yfirstærð síðustu 16 ár. Stundum segi ég það meira að segja sjálf. En þegar allt kemur til alls er þetta merkimiði. Hvers vegna ættum við að vilja vera settar í annan flokk en aðrar fyrirsætur? Þú heyrir engan tala um magrar fyrirsætur, þannig að ég tel mig ekki hafa rangt fyrir mér þegar ég vil ekki láta setja mig í ákveðinn flokk.“
Frétt Independent