Bandaríski leikarinn Kevin Hart gekk í það heilaga með Eniko Parrish á laugardaginn. Brúðkaupið var hið glæsilegasta og mættu um 200 manns til að fagna með þeim Hart og Parrish í Santa Barbara.
Brúðurin klæddist glæsilegum blúndukjól í hafmeyju-sniði úr smiðju Veru Wang í athöfninni. Samkvæmt vef People skipti hún síðan yfir í annan mun afslappaðri blúndukjól fyrir veisluna, einnig úr smiðju Veru Wang. Hart klæddist aftur á móti jakkafötum úr smiðju DavidsonPetit-Frére.
Tvö ár eru síðan parið trúlofaði sig en þau hafa verið saman töluvert lengur. Hart á tvö börn úr fyrra hjónabandi, þau Heaven og Hendrix, og var Hendrix svaramaður Hart á laugardaginn.