Vinsælasti brúðarkjóllinn á netinu

Grace Loves Lace Hollie-kjóllinn er vinsælasti brúðarkjóllinn á netinu í dag. Um 2,5 milljónir manns hafa merkt við kjólinn á Pinterest-síðum sínum og hefur hefur hann nánast verið uppseldur síðan hann fór fyrst í framleiðslu árið 2013.

Megan Ziems hannaði kjólinn upphaflega fyrir systur sína og hennar brúðkaup. Kjóllinn náði síðan miklum vinsældum þegar Made in Chelsea-stjarnan Millie Mackintosh klæddist honum í brúðkaupsveislu sinni þegar hún gekk í það heilaga með Professor Green árið 2013.

Kjóllinn er sá vinsælasti á netinu í dag. Ljósmynd/Grace loves lace

Um 2.000 eintök af kjólnum hafa verið seld en merkið Grace hefur nú ákveðið að hætta framleiðslu á honum. Í staðinn hefur merkið hafið framleiðslu á Hollie 2.0-kjól sem er þó afar sambærilegur upphaflega kjólnum.

Samkvæmt vef Stylist eru um 700 brúðir strax komnar á biðlistann fyrir nýju útgáfunni af kjólnum sem mun kosta um 200.000 krónur íslenskar.

Introducing the HOLLIE 2.0 from Grace Loves Lace on Vimeo.

• Blogga um frétt