Sokkar forsetans stálu senunni á Hólahátíð

Guðni Th. Jóhannesson, forseti Íslands, flutti ávarp á Hólahátíð á sunnudaginn þar sem þess var minnst að 350 ár eru liðin frá því að Passíusálmarnir komu fyrst á prent. Forsetinn klæddist afar líflegum sokkum við athöfnina sem vöktu hrifningu gesta sem eftir þeim tóku. Á sokkunum eru kassar í öllum regnbogans litum og var einn þeirra bleikur í stíl við bindi forsetans.

Sokkarnir eru afar skemmtilegir og líflegir. Ljósmynd/Kristín Sigurrós Einarsdóttir

Ólafur Ragnar Grímsson, fyrrum forseti Íslands, var þekktur fyrir líflegt bindasafn og vakti fílabindi hans mikla athygli. Það verður skemmtilegt að fylgjast með Guðna í framtíðinni og sjá hvort líflegir sokkar verði hans kennimerki líkt og bindin voru hjá Ólafi Ragnari.

Frétt mbl.is – Ræddi Passíusálmana á Hólahátíð 

Forseti í Auðunarstofu ásamt biskupi Íslands, Agnesi M. Sigurðardóttur, og vígslubiskupi Hólastiftis, Solveigu Láru Guðmundsdóttur. Ljósmynd/Forseti Íslands

Forsetinn ræddi Passíusálmana. Ljósmynd/Forseti Íslands

Forsetinn heilsar upp á gesti. Ljósmynd/Forseti Íslands

• Blogga um frétt