Fatahönnuðurinn Andrea Magnúsdóttir, eigandi verslunarinnar AndreA í Hafnarfirði, fer með lesendum yfir vinsælustu tískutrendin í dag. Hún segir pífur og allskyns neta- og blúnduefni vera inni núna og ekki má gleyma hlýjum peysum
Jogginggalla er „möst“ að eiga, að mati Andreu. „Það þarf ekki endilega að nota buxurnar og peysuna saman. Joggingbuxur eru t.d. flottar við hæla- eða strigaskó og joggingpeysa er flott við allt.“
„Leðurjakki er ómissandi, hann er bæði flottur hversdags og til að rokka upp fínni dress.“
Í verslun Andreu er allskyns pífur, gegnsæ efni, blúnda og netaefni áberandi þessa stundina. „Kjólar skreyttir pífum og púffi eru inni, og ekki er verra að hafa þá skósíða,“ segir hún.
Kimono er alltaf góð hugmynd, að sögn Andreau. „Passar nánast við hvað sem er.“
„Peysurnar eru stórar og kósý, ekki veitir af! Og ég mæli með húfu og stórum trefli fyrir veturinn sem heldur vel utan um mann þegar kuldaboli mætir á svæðið.“