Fyrirsætan Bella Hadid tryggði að allir tækju eftir henni í útgáfupartýi Dior Beauty á þriðjudaginn þegar útgáfu förðunarbókarinnar The Art of Color var fagnað í New York. Bella klæddist gegnsæjum topp og pilsi úr sumarlínu ársins 2016 frá Christian Dior. Dressið verður því ekki keypt úti í búð á næstunni.
Hönnun þessa sérstaka dress var í höndum nýjasta listræna stjórnanda Dior, Mariu Grazia Chiuri, sem er fyrsta konan sem hefur gegnt hlutverki listræns stjórnanda Dior síðan tískuhúsið leit fyrst dagsins ljós.
Bella var svo með „choker“-hálsmen og pallíettu-útgáfu af Lady Dior-töskunni frægu.