Kanadíska fyrirsætan Coco Rocha hringdi Nasdaq-bjöllunni á dögunum í New York. Dóttir hennar var með í för og það vakti athygli að hún klæddist fatnaði frá íslenska barnafatamerkinu iglo+indi. Helga Ólafsdóttir, yfirhönnuður iglo+indi, segir að fyrirsætan hafi verið hérlendis í haust.
„Coco Rocha var á Íslandi í haust með fjölskyldu sinni. Hún heillaðist af iglo+indi og okkur þykir gaman að sjá hversu mikið dóttir hennar notar iglo+indi-föt. Rocha er dugleg að birta myndir og myndbönd af Ioni dóttur sinni í hönnun okkar á samfélagsmiðlum. Ioni elskar m.a. Lunda-úlpuna og þegar hún hjálpaði mömmu sinni að hringja bjöllunni á Nasdaq var hún í Perlu-kjólnum okkar og svörtum leggings frá iglo+indi,“ segir Helga og bætir við:
„Ætli Ioni sé ekki yngsti einstaklingur sem hefur hringt bjöllunni hjá Nasdaq. Hún er flottur framtíðarleiðtogi.“
Ioni Conran er með sinn eigin Instagram-reikning eins og sjá má hér fyrir neðan: