Smartland Mörtu Maríu | Tíska | mbl | 25.2.2017 | 23:59

Drottningin stælir Katrínu

Kjólarnir eru ansi keimlíkir, eins og sjá má. Katrín klæddist sínum á síðasta ári og nokkrum mánuðum síðar fetaði Elísabet í fótspor hennar. Skjáskot / Daily Mail

Mikið er skrafað um bresku konungsfjölskylduna, enda er hún undir stöðugu eftirliti fjölmiðla. Þá er klæðnaður hinna konunglegu kvenna jafnan mikið í deiglunni og þykir Katrín hertogaynja til að mynda vera ein best klædda kona heims.

Katrín hefur mikil áhrif á kauphegðun kvenna út um víðan völl og svo virðist vera sem drottningin sjálf sé farin að hafa hana til fyrirmyndar eins og fram kemur í frétt Daily Mail.

Svo er auðvitað hugsanlegt að hertogaynjan hjálpi Elísabetu að ákveða hverju skuli klæðast. Hver veit?

Katrín árið 2014 í forláta rauðri kápu. Skjáskot / Daily Mail

Elísabet var heldur hugguleg þegar hún mætti til messu, í rauðri kápu. Skjáskot / Daily Mail

Katrín var sumarleg og sæt í bleikum kjól, með hatt í stíl, en myndin er tekin árið 2012. Skjáskot / Daily Mail

Elísabet skellti sér í bleikt dress síðasta sumar og leit glimrandi vel út. Skjáskot / Daily Mail

Elísabet er sjálf alger tískufyrirmynd og því ekki nema von að Katrín feti stundum í fótspor hennar. Þessu dressi skartaði drottningin í júní á síðasta ári. Skjáskot / Daily Mail

Katrín klæddist kóngabláum kjól, og hatt í stíl, í september á síðasta ári og minnti dressið heldur betur á það sem Elísabet skartaði nokkrum mánuðum fyrr. Skjáskot / Daily Mail