Theresa May er fyrsti forsætisráðherra Bretlands til þess að sitja fyrir í bandaríska Vogue. May sem er 60 ára var mynduð af Önnu Lebovitz fyrir aprílútgáfu blaðsins.
Daily Mail greinir frá því að Margaret Thatcher hafi setið fyrir í breska Vogue en May er talin hafa sniðgengið það blað vegna þess að mágkona Davids Camerons, fyrrverandi forsætisráðherra Bretlands, vinnur hjá bresku útgáfunni.
Anna Lebovitz tók myndir af forsætisráðherranum á sveitasetri ráðherrans. Anna Wintour undirbjó umfjöllunina en talsmaður forsætisráðherrans segir að May sé mikill aðdáandi blaðsins.