„Allir“ í bláum jakkafötum

Blá jakkaföt eru mögulega það heitasta sem hægt er að klæðast þessa dagana. Alla vega ef marka má klæðaburð fótboltamanna. Margir af þeim mættu í bláum jakkafötum í brúðkaup Arons Einars og Kristbjargar. Við jakkafötin voru margir þeirra í brúnum skóm. 

Það að landsliðsmenn kjósi blá jakkaföt kemur ekki á óvart því þeir voru dressaðir upp í blá sérsniðin japkkaföt áður en þeir fóru á EM í knattspyrnu í Frakklandi síðasta sumar. Þau jakkaföt voru sérsniðin á strákana í Herragarðinum. Skórnir sem þeir klæddust við fötin koma frá Vagabond.