Cinta Tort Cartró er listamaður frá Barcelona sem gerir slit kvenna að listaverkum.
Cartró heldur úti vinsælli Instagram síðu þar sem hún sýnir femíníska list sína. Á meðal verka Cartró eru myndir af konum þar sem hún hefur málað í slit kvenna með öllum regnbogans litum. Hún hvetur konur til þess að vera stoltar af slitum sínum.
„Ég eyddi mörgum árum í að hata þau og reyndi að finna leiðir til þess að eyða þeim þangað til að ég fattaði að ef ég samþykkti þau ekki samþykkti ég ekki sjálfa mig,“ skrifaði Cartró á Instagram.
Á Instagram-síðu Cartró má einnig finna falleg listverk sem hún hefur gert úr nærbuxum, túrtöppum og dömubindum.