Raunveruleikastjarnan og ofurfyrirsætan Kendall Jenner þarf aðeins tvær mínútur í að mála sig á morgnana en hún deildi morgunrútínu sinni með lesendum Vogue.
Með hárið sleikt aftur í snúð sýnir Jenner okkur hvernig hún byrjar á því að setja á sig þunnt lag af meiki með förðunarbursta.
„Ég hef málað mig í bílum og kömrum,“ segir hún og hlær á meðan hún setur á sig hyljara sem hún blandar við meikið með fingrunum.
Síðan skerpir hún á augabrúnum sínum með augabrúnapensli og minnist á það þegar hún var 14 ára og með allt of þunnar augabrúnir. Næst er það sólarpúður sem hún notar bæði á kinnbeininn og á augnlokið.
Í lokin klárar hún förðunina með smá maskara og örlitlum varalit. Hún tekur það fram að hún noti aldrei mikinn varalit en dempi honum bara létt á varirnar. Svo skellir hún smá glossi yfir og lítur glæsilega út.
Hér er hægt að sjá myndbandið í heild sinni: