Melania Trump forsetafrú Bandaríkjanna mætti í hlýjum fötum í opinbera heimsókn til Japans ásamt eiginmanni sínum Donald Trump. Frú Trump klæddist rándýrri ullarkápu frá tískuhúsinu Fendi.
Kostar ullarkápan 4.800 dollara á vefversluninni Farfetch sem samsvarar rúmlega 510 þúsund íslenskum krónum. Forsetafrúin fór ekki úr kápunni og notaði hana eins og kjól.
Frú Trump var þó ekki á nærfötunum einum saman innan undir kápunni en InStyle greinir frá því að hún hafi verið í svörtum bol og leðurpilsi frá Hervé Pierre. Manolo Blahnik-hælar fullkomnuðu síðan útlitið.