Þórsarar eru komnir í undanúrslit í Lengjubikarnum í knattspyrnu eftir að hafa lagt Keflvíkinga að velli í Boganum í kvöld.
Úrslitin réðust í vítakeppni en staðan eftir venjulegan leiktíma var jöfn, 2:2. Ekki var farið í framlengingu. Elías Már Ómarsson og Hörður Sveinsson komu Keflavík yfir snemma leiks en þeir Þórður Birgisson og Ármann Ævar Pétursson jöfnuðu metin fyrir Þórsara og kom jöfnunarmark Ármanns úr vítaspyrnu á lokamínútu leiksins.
Markaskorararnir eru fengnir á urslit.net.