Kjartan Henry: Tek þetta ekki nærri mér

Markahrókurinn Kjartan Henry var að vonaum ánægður með sannfærandi sigur KR á ÍBV í undanúrslitum bikarkeppninnar í knattspyrnu í kvöld. KR hafði betur 5:2 en leikurinn fór fram í Eyjum. 

„Það er alltaf erfitt að koma til Vestmannaeyja en á sama tíma mjög skemmtilegt. Sjö mörk og fullt af færum en ég er mjög ánægður með að við erum að fara í Laugardalinn í ágúst,“ sagði Kjartan Henry en hann var einnig spurður út í atvik í síðari hálfleik þegar honum og Brynjari Gauta Guðjónssyni lenti saman. Kjartan gerði lítið úr atvikinu og sagði að hann og Brynjar Gauti hefðu hlegið saman eftir það.

• Blogga um frétt