Freyr Alexandersson þjálfari íslenska landsliðsins í knattspyrnu hefur tilkynnt byrjunarliðið sem mætir Serbum í undankeppni HM en leikurinn hefst klukkan 17 á Laugardalsvellinum.
Liðið lítur þannig út:
Þóra B. Helgadóttir - Elísa Viðarsdóttir, Glódís Perla Viggósdóttir, Arna Sif Ásgrímsdóttir, Hallbera Guðný Gísladóttir - Fanndís Friðriksdóttir, Sara Björk Gunnarsdóttir, Dagný Brynjarsdóttir, Dóra María Lárusdóttir, Rakel Hönnudóttir - Harpa Þorsteinsdóttir.
Arna Sif Ásgrímsdóttir er í byrjunarliðinu í fyrsta sinn en hún spilar sinn annan landsleik og kemur í vörnina í stað Önnu Bjarkar Kristjánsdóttur. Þá kemur Rakel Hönnudóttir í stað Guðnýjar Bjarkar Óðinsdóttur en að öðru leyti er byrjunarliðið eins og gegn Ísrael.
Þóra B. Helgadóttir leikur kveðjuleik sinn með landsliðinu en þetta er hennar 108. landsleikur.