Baldur Sigurðsson, fyrirliði KR í knattspyrnu, mun skoða aðstæður hjá danska félaginu SönderjyskE en þar spilar æskuvinur hans og landsliðskappi, Hallgrímur Jónasson, sem hefur samið við OB og gengur í raðir þess um áramót.
Baldur hefur fengið leyfi frá KR til að skoða aðstæður hjá félaginu en stutt er síðan hann skrifaði undir nýjan fjögurra ára samning við KR og þarf því danska félagið að kaupa hann af Vesturbæjarliðinu.