Keflvíkingurinn Elías Már Ómarsson, efnilegasti leikmaður síðasta Íslandsmóts í knattspyrnu, verður á allra næstu dögum kynntur sem nýr leikmaður norska úrvalsdeildarfélagsins Vålerenga.
„Eftir því sem ég best veit hafa félögin náð saman og ég á bara eftir að skrifa undir. Mér líst mjög vel á þetta. Þetta er stórt skref og Vålerenga er flottur klúbbur. Það er allt í kringum félagið mjög flott, eins og ég kynntist þegar ég var þarna til reynslu, enda væri ég ekki að fara að semja ef mér litist ekki á þetta,“ sagði Elías sem var til reynslu hjá Vålerenga í lok október.
Nánar í íþróttablaði Morgunblaðsins í dag.