Landsliðsfyrirliðinn Sara Björk Gunnarsdóttir segir að Ísland eigi að vera sterkasta liðið sínum riðli í undankeppni EM í knattspyrnu sem hefst á næstunni.
Á fimmtudaginn leikur Ísland vináttulandsleik gegn Slóvakíu en alvaran hefst á þriðjudaginn í næstu viku þegar liðið leikur sinn fyrsta leik í riðlinum á móti Hvíta-Rússlandi í Laugardalnum.
„Við eigum að vera sterkasta liðið í þessum riðli og eigum að fara áfram,“ sagði Sara meðal annars á landsliðsæfingu en landsliðið kom saman í dag.
Lokakeppni EM verður í Hollandi sumarið 2017 en Ísland hefur komist í síðustu tvær lokakeppnir.
Viðtalið við Söru er að finna í heild sinni í meðfylgjandi myndskeiði.