Ein breyting hefur verið gerð áður tilkynntu byrjunarliði Íslands sem mætir Finnlandi í vináttulandsleik í Abu Dhabi í Sameinuðu arabísku furstadæmunum í dag.
Gunnleifur Gunnleifsson sem átti að verja mark íslenska liðsins á við meiðsli að stríða í baki og verður hann ekki með í leiknum í dag. Ingvar Jónsson mun því standa vaktina í markinu og spilar hann sinn þriðja A-landsleik.
Byjunarlið Íslands lítur þá þannig út:
Ingvar Jónsson (uppfært)
Haukur Heiðar Hauksson
Hjörtur Logi Valgarðsson
Ragnar Sigurðsson og Sölvi Geir Ottesen
Eiður Smári Guðjohnsen (fyrirliði) og Rúnar Már Sigurjónsson
Theodór Elmar Bjarnason
Arnór Ingvi Traustason
Garðar Bergmann Gunnlaugsson og Viðar Örn Kjartansson
Leikurinn hefst klukkan 16 að íslenskum tíma og verður leiknum lýst í beinni textalýsingu hér á mbl.is.