Garðar Bergmann Gunnlaugsson skoraði þrjú mörk þegar ÍA mætti Grindavík í fyrsta leik liðanna riðli 3 í A deild Lengjubikars karla í knattspyrnu í Akraneshöllinni í dag. Lokatölur í leiknum urðu 5:0 Skagamönnum í vil.
Ágúst Marteinsson braut ísinn fyrir ÍA og Garðar Bergmann bætti við þremur mörkum áður en Stefán Teitur Þórðarson rak síðasta naglann í líkkistu Grindavíkur.
Garðar Bergmann var valinn í leikmannahópi íslenska landsliðsins sem mætti Finnlandi, Sameinuðu arabísku furstadæmunum og Bandaríkjunum í síðasta mánuði og spilaði þá sinn fyrsta A-landsleik.