ÍBV samdi við Smidt til tveggja ára

Við undirskriftina í dag.
Við undirskriftina í dag. Ljósmynd/ÍBV.

Karlalið ÍBV í knattspyrnu hefur samið við danska sóknarmanninn Simon Kollerup Smidt um að leika með liðinu næstu tvö árin.

Leikmaðurinn var á reynslu hjá félaginu fyrr í mánuðinum og spilaði meðal annars úrslitaleikinn í Fótbolta.net mótinu gegn KR.

Smidt er uppalinn hjá danska liðinu Vejle en hann lék síðast með Fylingsdalen í C-deild norska fótboltans.

Smidt er annar Daninn sem Eyjamenn semja við fyrir þetta tímabil en í byrjun febrúar sömdu þeir við sóknarsinnaða miðjumanninn Mikkel Maigaard Jakobsen.

mbl.is
Fleira áhugavert
Fleira áhugavert