Knattspyrnudeild Keflavíkur hefur samið við skoskan varnarmann, Marc McAusland, sem mun leika með liðinu næstu tvö árin. Þetta kemur fram á vef Víkurfrétta.
McAusland er 27 ára gamall og hefur æft með Keflavíkurliðinu að undanförnu. Hann hefur leikið með St. Mirrern, Queen of the South og Dunfermline en hann á að baki um 200 leiki í skosku deildakeppninni. Þar af eru 99 úrvalsdeildarleikir með St. Mirren en þar lék hann síðast tímabilið 2014-15. Á síðasta tímabili lék hann með Dunfermline í C-deildinni.
McAusland er sjötti leikmaðurinn sem Keflvíkingar fá til sín í vetur en þessar breytingar hafa að öðru leyti orðið á liði þeirra eftir að Þorvaldur Örlygsson tók við sem þjálfari að loknu síðasta tímabili:
Komnir:
22.2. Axel Kári Vignisson frá HK
22.2. Ási Þórhallsson frá Sindra
22.2. Beitir Ólafsson frá HK
22.2. Guðmundur Magnússon frá HK
22.2. Jónas Guðni Sævarsson frá KR
Farnir:
22.2. Sindri Snær Magnússon í ÍBV
06.2. Martin Hummervoll í norskt félag
30.10. Paul Bignot í enskt félag
17.10. Samuel Jiménez í spænskt félag