Víkingar í Ólafsvík eru tilbúnir til að taka á móti Valsmönnum á grasvelli sínum á sunnudaginn en þá mætast liðin í annarri umferð Pepsi-deildar karla í knattspyrnu fyrir vestan.
Ólafsvíkingar, sem lögðu Breiðablik óvænt á útivelli, 2:1, í fyrstu umferðinni síðasta sunnudag, birtu myndir af vellinum á Twitter fyrir stundu en þær voru teknar í morgun.
Spáin er góð fyrir sunnudag; Hægviðri og sól, og 'Kirkjugarðurinn' lúkkar vel, Myndir frá í morgun. #GameOn #pepsi16 pic.twitter.com/w6nahTLMcZ
— Víkingur Ólafsvík (@Vikingurol) May 5, 2016