Njarðvík komst upp í annað sæti 2. deildar karla í knattspyrnu með 4:1 sigri sínum gegn Ægi á Njarðtaksvelli í kvöld. Njarðvík hefur farið vel af stað í deildinni í sumar og hefur níu stig eftir fjórar umferðir.
Leikurinn hófst mjög fjörlega, en Arnór Svansson kom Njarðvík á upphafsmínútu leiksins og Jannik Christian Eckenrode jafnaði metin fyrir Ægi þremur mínútum síðar.
Njarðvíkingar voru svo sterkari aðilinn í seinni hálfleik, skoruðu þrjú mörk og tryggðu sér öruggan sigur. Þar voru að verki Stefán Birgir Jóhannesson, Styrmir Gauti Fjeldsted og Harrison Hanley.