Leiknir tapaði þriðja leiknum í röð

Fram vann mikinn seiglusigur á Leikni Reykjavík, 2:1, í Inkasso-deildinni, 1. deild karla í knattspyrnu, í kvöld. Þar með hafa Leiknismenn tapað þremur leikjum í röð. Fylgst var með gangi mála hér á mbl.is.

Tvö mörk seint í leiknum með sex mínútna millibili frá Fram kláruðu leikinn. 

Kristján Páll Jónssonk kom Leikni yfir á 49. mínútu en varnarmaðurinn Hlynur Atli Magnússon jafnaði metin á 70. mínútu.

Sex mínútum síðar skoraði Dino Gavric það sem reyndist verða sigurmarkið.  Ivan Bubalo fékk rautt spjald í liði fram í uppbótartíma, en áður fékk varnarmaðurinn í liði Fram, Ólafur Ingiberg Jónsson, rautt spjald og þar með enduðu Framarar tveimur mönnum færri er þeir sigldu loksins sigrinum í höfn.

Með sigrinum fara Ásmundur Arnarsson og lærisveinar hans í Fram í 12 stig, í 4. sæti.

Leiknismenn, undir stjórn Kristjáns Guðmundssonar, hafa hins vegar núna tapað þremur leikjum í röð og hafa 10 stig, í 8. sæti.

90. Leik lokið. Framarar sigra 2:1!

84 RAUTT SPJALD! Ingiberg Ólafur Jónsson fær rautt spjald í liði Fram. Fékk sitt annað gula spjald.

76. MARK! Dino Gavric kemur fram yfir! Skjótt skipast veður í lofti! Staðan 2:1. Stefnir í þriðja ósigur Leiknismanna í röð!

70. MARK! Varnarmaðurinn sterki, Hlynur Atli Magnússon, er búinn að jafna metin fyrir Fram! Staðan er 1:1.

49. MARK! Kristján Páll Jónsson kemur Leikni í 1:0.

46. Síðari hálfleikur hafinn.

45. Hálfleikur! Staðan markalaus í hálfleik.

1. Leikurinn er hafinn! Tómas Orri Hreinsson dómari leiksins hefur flautað leikinn í gang.

0. Byrjunarliðin eru klár og má sjá hér að neðan.

Upplýsingar um markaskorarar eru fegnar frá vefsíðunni úrslit.net.

• Blogga um frétt