Íþróttir | Íslenski fótboltinn | mbl | 30.6.2016 | 21:00 | Uppfært 21:18

Tvær þrennur í sigri Stjörnunnar

Stjarnan mætir ÍA í kvöld. Ófeigur Lýðsson

Stjarnan sigraði ÍA nokkuð örugglega, 6:0, í 6. umferð Pepsi-deildar kvenna í knattspyrnu í kvöld en leikið var á Samsung-vellinum. Harpa Þorsteinsdóttir og Katrín Ásbjörnsdóttir gerðu báðar þrennu.

Það tók Stjörnuna tíma til að brjóta niður vörn Skagamanna en fyrsta markið kom á 34. mínútu og var þar að verki Harpa Þorsteinsdóttir. Katrín Ásbjörnsdóttir bætti við öðru marki undir lok fyrri hálfleiks en í þeim síðari rigndi inn mörkum.

Katrín var ekki lengi að fullkomna þrennu sína. Hún skoraði á 49. mínútu og svo aftur fjórum mínútum síðar. Harpa lék sama leik en á 58. mínútu skoraði hún úr vítaspyrnu og tveimur mínútum síðar var þrennan komin í hús.

Lokatölur 6:0 fyrir Stjörnukonum en þær eru í efsta sæti deildarinnar með 16 stig eftir fyrstu sex umferðirnar. ÍA er áfram í botnsætinu með 1 stig.

Fylgst var með gangi mála hér á mbl.is.

Leik lokið. Stjarnan fer með sigur af hólmi og tekur toppsætið í deildinni. ÍA er áfram með 1 stig í neðsta sæti.

60. MAAAARK!!! Stjarnan 6:0 ÍA. Harpa að fullkomna þrennu sína gegn ÍA. Þvílíkur leikur í Garðabæ.

58. MAAAARK!!! Stjarnan 5:0 ÍA. Harpa Þorsteinsdóttir að skora úr víti fyrir Stjörnuna.

53. MAAAARK!!! Stjarnan 4:0 ÍA. Katrín að fullkomna þrennu sína í Garðabæ. Sigurinn svo gott sem komið í höfn.

49. MAAAARK!!! Stjarnan 3:0 ÍA. Katrín Ásbjörnsdóttir að bæta við þriðja marki Stjörnunnar og öðru marki sínu í dag.

46. Síðari hálfleikur er kominn af stað.

Hálfleikur.

41. MAAAAARK!!! Stjarnan 2:0 ÍA. Katrín Ásbjörnsdóttir að bæta við öðru marki fyrir hálfleik.

34. MAAAAAARK!!! Stjarnan 1:0 ÍA. Harpa Þorsteinsdóttir, hver önnur? Hún er að koma Stjörnunni yfir eftir rúmlega hálftímaleik.

1. Leikurinn er hafinn.

0. Byrjunarliðin birtast hér fyrir neðan.

Stjarnan: Berglind Hrund Jónasdóttir (M), Ana Victoria Cate, Jenna McCormick, Ásgerður Stefanía Baldursdóttir, Kristrún Kristjánsdóttir, Guðrún Karitas Sigurðardóttir, Donna Key Henry, Bryndís Björnsdóttir, Harpa Þorsteinsdóttir, Þórdís Hrönn Sigfúsdóttir, Katrín Ásbjörnsdóttir.

ÍA: Ásta Vigdís Guðlaugsdóttir (M), Megan Dunnigan, Rachel Owens, Aníta Sól Ágústsdóttir, Jaclyn Pourcel, Gréta Stefánsdóttir, Maren Leósdóttir, Bryndís Rún Þórólfsdóttir, Heiður Heimisdóttir, Veronica Líf Þórðardóttir, Sandra Ósk Alfreðsdóttir.