Þorvaldur Árnason, knattspyrnudómari verður í eldlínunni í kvöld þegar hann dæmir leik hvítrússneska liðsins FC Torpedo-Belaz Zhodino og Arnórs Ingva Traustasonar og félaga hans hjá austurríska liðsinu Rapid Vín í Evrópudeildinni.
Þetta er fyrri viðureign liðanna í þriðju umferð í forkeppni Evrópudeildarinnar, en leikið verður í Zhodino í Hvíta Rússlandi.
Þorvaldi til aðstoðar verða þeir Jóhann Gunnar Guðmundsson og Gylfi Már Sigurðsson og Þóroddur Hjaltalín verður varadómari.