Karlalandsliðið í knattspyrnu er saman komið í Frankfurt í Þýskalandi og mun búa sig þar undir leikinn gegn Úkraínumönnum sem fram fer í Kíev næsta mánudag.
Landsliðið æfir í Frankfurt næstu dagana áður en það heldur til Kíev á laugardaginn en leikurinn við Úkraínumenn er fyrsti leikurinn í undankeppni heimsmeistaramótsins.
Landsliðið æfði við góðar aðstæður í Frankfurt í dag eins og sjá má á meðfylgjandi myndum sem birtar eru á Facebook-síðu KSÍ.