Knattspyrnudeild Fjölnis hefur framlengt samning sinn við króatíska miðjumanninn Igor Jugovic um að spila áfram með liðinu næstu tvö árin, eða út keppnistímabilið 2018.
Jugovic hefur verið í stóru hlutverki á miðjunni hjá Fjölni í ár en hann hefur spilað alla átján leiki liðsins í Pepsi-deild karla og skorað eitt mark.
Hann er 27 ára gamall og kom til Fjölnis fyrir þetta tímabil frá Celje í Slóveníu. Hann hafði áður spilað með Sheriff í Moldóvu og Slaven Belupo, Istra og NK Zagreb í heimalandi sínu en einnig um skeið með Irtysh í Kasakstan.