FH-ingar tóku við Íslandsbikar karla í knattspyrnu í Kaplakrika í dag, eftir að þeir gerðu jafntefli, 1:1, við ÍBV í lokaumferð Pepsi-deildar karla.
FH tryggði sér titilinn annað árið í röð og í áttunda sinn á þrettán árum í 20. umferðinni og lék því tvo síðustu leikina án pressu. FH fékk 43 stig í deildinni en Stjarnan með 39 stig, KR með 38 og Fjölnir með 37 stig voru í næstu sætum á eftir.
FH fer í forkeppni Meistaradeildar næsta sumar en Stjarnan, KR og bikarmeistarar Vals fara í forkeppni Evrópudeildar UEFA.