Dragan Kristinn Stojanovic er tekinn við þjálfun karlaliðs Fjarðabyggðar í knattspyrnu og tekur hann við starfi Víglundar Péturssonar. Fjarðabyggð féll úr 1. deildinni í sumar og leikur þar með í 2. deild á næstu leiktíð.
Dragan þekkir vel til hjá Fjarðabyggð, en hann lék með liðinu frá 2001 til 2003, samtals 48 leiki, og skoraði í þeim 12 mörk. Hann hefur þjálfað Fjarðabyggð, karlalið Þórs, Völsungs og KF og kvennalið Þórs/KA. Í sumar þjálfaði hann 2. flokk Þórs.