Leiknir frá Reykjavík vann 2:1 sigur á Fylki í seinni leik dagsins í Lengjubikar karla í knattspyrnu í Egilshöllinni.
Ingvar Ásbjörn Ingvarsson kom Leiknismönnum yfir eftir 20 mínútna leik. 20 mínútum síðar jafnaði Oddur Ingi Guðmundsson metin og var staðan í leikhléi 1:1.
Sævar Atli Magnússon sá svo um að gera eina mark síðari hálfleiks og tryggði hann Leikni stigin þrjú.
Upplýsingar um markaskorara voru fengnar á fotbolti.net.