Fannst vera brotið á mér

Þorsteinn Daníel Þorsteinsson, varnarmaður Selfyssinga, var nokkuð sáttur með úrslit kvöldsins þegar hans menn gerðu 2:2 jafntefli í Keflavík í Inkasso-deild karla í knattspyrnu. Þorsteinn sagði sína menn vita fyrir fram að þetta yrði erfitt.  

Frétt af mbl.is

Jafnteflakóngar samir við sig

„Þetta var hörkuleikur og þetta er erfiður útivöllur. Við vissum að við þyrftum að mæta af krafti og í raun af sama krafti og þeir. Mér fannst við gera þetta vel í fyrri hálfleik að mæta þeim. Svo þegar við skorum markið þá svona dettur þetta aðeins niður hjá okkur. Þeir jafna svo í kjölfarið og í því marki fannst mér vera brotið á mér en það var ekki dæmt,“ sagði Þorsteinn í samtali eftir leik. 

Þorsteinn sagði þessi úrslit vera ásættanleg fyrir Selfoss.

„Já mjög ásættanlegt. Miðað við það að báðir okkar aðalmiðverðir voru ekki með í kvöld.  Óttar stóð sig mjög vel í kvöld, hann er ekki miðvörður að upplagi. Ég er mjög sáttur við stigið og fannst þetta sanngjarnt,“ sagði Þorsteinn að lokum. 

• Blogga um frétt