Karólína Lea Vilhjálmsdóttir, leikmaður FH og U17 ára landsliðsins í knattspyrnu, er gengin í raðir Breiðabliks.
Karólína Lea er 16 ára gömul, hefur spilað 29 leiki með FH í Pepsi-deildinni tvö síðustu tímabilin og skoraði í þeim þrjú mörk. Þá hefur hún spilað 20 leiki með U17 ára landsliðinu og hefur í þeim skorað fimm mörk.
Faðir hennar, Vilhjálmur Kári Halldórsson, lék á árum áður með Breiðabliki og móðir hennar, Fjóla Rún Þorleifsdóttir, er hálfsystir landsliðsmannsins Gylfa Þórs Sigurðssonar, svo að knattspyrnugenin eru svo sannarlega fyrir hendi hjá Karólínu.