Ísland með bestu stuðningsmenn Evrópu
Setja bókamerki
Gernot Rohr, landsliðsþjálfari Nígeríu er spenntur að mæta Íslandi á HM í knattspyrnu í Rússlandi næsta sumar. Hann segir Íslenska liðið mjög gott og segir stuðningsmenn þess þá bestu í Evrópu.
„Ísland er með mjög gott og líkamlega sterkt lið. Stuðningsmennirnir eru þeir bestu í Evrópu og við munum eftir þeim frá EM. Þetta er áhugaverður riðill og lokaleikurinn gegn Argentínu gæti orðið úrslitaleikur fyrir okkur," sagði Rohr í samtali við knattspyrnusamband Nígeríu.
Rohr er 64 ára gamall Þjóðverji sem lék með Bayern München, Mannheim og Offenbach í Þýskalandi og síðan yfir 350 leiki með Bordeaux í frakklandi. Hann hefur þjálfað félagslið í Frakklandi og Sviss en verið landsliðsþjálfari í Afríku frá 2010. Fyrst með landslið Gabon, þá Níger, síðan Burkina Faso og hann tók síðan við Nígeríu árið 2016.
Undir hans stjórn fór Nígería taplaus í gegnum undankeppni HM og varð fyrst Afríkuþjóða til að tryggja sér sæti í lokakeppninni í Rússlandi.
Ísraelar hefna árásarinnar
„Það er skiljanlegt að þolinmæði þeirra sé lítil“
Hægagangur og vaxandi ókyrrð
Ekki byggt í takt við áform sveitarfélaga
Sárt að horfa upp á illa meðferð fjármuna
„Menn eru bara búnir að forgangsraða“
Ofsóttur innan veggja Boeing