Sagði rétt til um riðil Íslands

Brasilíumaðurinn Cafú brosandi eftir að hafa dregið nafn Íslands upp …
Brasilíumaðurinn Cafú brosandi eftir að hafa dregið nafn Íslands upp úr skálinni í Kremlín í dag. AFP

Eflaust hafa margir reynt að spá fyrir um hvaða liðum Ísland yrði með í riðli á heimsmeistaramóti karla í knattspyrnu næsta sumar og að minnsta kosti einn hafði hárrétt fyrir sér.

Illugi Jökulsson skrifaði á Facebook-síðu sína í morgun að fólk gæti hætt að bíða eftir HM-drættinum í Rússlandi því Ísland fengi Argentínu, Króatíu og Nígeríu í sinn riðil. Sú varð einmitt raunin. Illugi tók fram að hann gæti einnig sagt til um hvernig leikir Íslands myndu enda en taldi ekki sanngjarnt að greina strax frá því.

mbl.is
Fleira áhugavert
Fleira áhugavert